Şamaxıda zəlzələ nə qədər evə ziyan vurub? - AÇIQLANDI A- / A+

Şamaxıda zəlzələ nə qədər evə ziyan vurub? -AÇIQLANDI


Şamaxıda baş verən zəlzələ nəticəsində rayon ərazisində 3871 ev və obyektə ziyan dəyməsi barədə Şamaxı Rayon İcra Hakimiyyətinə müraciət daxil olub.

Bu barədə Unikal.org-a açıqlamasında Şamaxı Rayon İcra Hakimiyyətinin Baş memarı Rüstəm Əliyev deyib.

Onun sözlərinə görə, daxil olan müraciət əsasında 3860 evə baxış keçirilib: "Hadisə ilə bağlı yaradılmış komissiya evlərə baxış keçirməkdə davam edir. Komissiyanın rəyinə əsasən, bu günə qədər baxış keçirilən evlərin 218-i kəskin qəzalı (dağılmış), 963 evin bərpası mümkün vəziyyətdə, 1440 evdə isə təmir işlərinə ehtiyac olduğu müəyyənləşib. Komissiyanın qərarına görə, 1238 evin vəziyyəti qənaətbəxs hesab edilib".

R.Əliyev qeyd edib ki, hazırda tam qəzalı vəziyyətdə olan evlərin yenidən tikintisinə başlanılıb: "5 evin tikintisi yekunlaşmaq üzrədir, 7 evin isə tikintisinə başlanılıb. Tikinti briqadaları tam qəzalı vəziyyətdə olan digər evlərdə söküntü işlərinə başlayıb".

Xatırladaq ki, fevralın 5-də Pirqulu stansiyasından 7 km cənubda Ağsu ərazisində 4,4 bal gücündə zəlzələ qeydə alınıb. Həmin zəlzələ episentrdə 5 bala yaxın, ətraf rayonlarda 4,3 bala qədər hiss olunub. Həmin gün Pirqulu stansiyasından 9 km cənub-qərbdə İsmayıllı ərazisində zəlzələ qeydə alınıb. Fevralın 9-da və 11-də də Pirqulu stansiyasından 8 və 9 km cənub-qərbdə və qərbdə yeraltı təkanlar baş verib.

шаблоны для dle 11.2
Tarix: 4-03-2019, 10:52







TAM XƏBƏR
Facebook
Foto

Məmmədəliyevin hüzr mərasimində

Son xəbərlər
Sorğu

Qarabağı hansı yolla qaytarmağın tərəfdarısınız ?