Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Azərbaycan Demokratik Tələbə Gənclər Təşkilatı” İctimai Birliyi (ADTGT) tərəfindən həyata keçirilən beynəlxalq layihə çərçivəsində “Qoşulmama Hərəkatına üzv ölkələrin QHT-nin əməkdaşlıq imkanlarının genişləndirilməsi” adlı videokonfrans keçirilmişdir.Ölkəmizin sədrlik etdiyi Qoşulmama Hərəkatına (QH) üzv 25 ölkənin 60 QHT rəhbərinin iştirak etdiyi onlayn beynəlxalq tədbiri giriş sözü ilə açan ADTGT sədri Asif Əsgərli videokonfransın keçirilmə məqsədini bir daha qeyd edərək, layihəyə verdiyi dəstəyə Şuraya təşəkkürünü bildirdi və mövzuya maraqlarına görə xarici tərəfdaş QHT-lərə minnətdarlıq etdi.A.Əsgərli Azərbaycanın haqlı mövqeyinin dəstəklədiyini, o cümlədən, bu ilin sentyabrın 27-də Ermənistan tərəfindən ölkəmizə qarşı aqressiya siyasəti və Azərbaycanın əks-həmlə əməliyyatı barədə QH-nın obyektiv bəyanatı və bu müddətdə BMT-də Azərbaycana qarşı ədalətsiz qərar layihəsinin qəbul edilməməsi istiqamətində platformanın üzv ölkələrinin qəti və inamlı addımlarını hökumətimiz kimi QHT-lərin də yüksək qiymətləndirdiyini vurğuldı.
Natiq ADTGT-nin təşəbbüsü olaraq, QH çərçivəsində QHT-lərin geniş əməkdaşlıq və tərəfdaşlıq şəbəkəsinin qurulması, platformanın 60 illiyində - 2021-ci ildə quruma sədrlik edən ölkə kimi Azərbaycanda QH ölkələri QHT-lərinin I Forumunun keçirilməsi və Qoşulmama Hərəkatı QHT-ı Platformasının təsis olunması və davamlı fəaliyyəti təkliflərini irəli sürdü və videokonfrans iştirakçılarını bu məsələlərə münasibət bildirməsini istədi.
Sonra İordaniya, Oman, Tunis, Belarus, Bosniya və Hersoqovina, Tacikistan, Ukrayna, Serbiya, Birləşmiş Ərəb Əmirlikləri, Sudan, Mərakeş, İndoneziya, Küveyt, Malayziya, Fələstin, Kamerun, Keniya və Azərbaycandan olan QHT rəhbərləri çıxış edərək, QH çərçivəsində QHT-lərin birgə əməkdaşlığının, təcrübə-informasiya mübadiləsinin, bilik və bacarıqların öyrənilməsinin və çoxtərəfli layihə və proqramların həyata keçirilməsinin aktuallığını və vacibliyini qeyd etdilər və bu sahədə Azərbaycanın və ADTGT-nin konkret təklif və təşəbbüsünü yüksək qiymətləndirdilər.
Tədbirin sonunda QH çərçivəsində QHT-lərin şəbəkənin qurulması, requlyar fəaliyyəti sahəsində ADTGT-nin real addımlara başlaması və gələcək əməkdaşlıq istiqamətində təkliflər hazırlayıb müzakirə üçün şəbəkə üzvləri ilə paylaşması məqsədəuyğun hesab edildi.
Tarix: 26-11-2020, 01:22
Redaktor seçimi
Digər xəbərlər
Norveçdəki Azərbaycan diasporu ermənilərin qarayaxma kampaniyası ilə mübarizə aparır
Azərbaycanın dövlət bayrağı yenidən Krasnoyarsk aeroportunda dalğalanır
Ermənistan diaspor dayağını necə itirib?
TAM XƏBƏR
Xəbər lenti
</> |
Foto
Geoloji parklarda ovçuluq qadağan edildi
ƏN ÇOX OXUNANLAR
- Anar Kərimov nazir müavini oldu - TƏYİNAT
- Ermənilərdən inanılmaz fırıldaq:Qadın idmançı kişi çıxdı -FOTOLAR
- 20 Yanvar qatili olan general Suriyada qəzada öldü-Fotolar
- Azərbaycan snayperinin qurbanı olan erməni ƏSGƏRİ:ŞOK GÖRÜNTÜLƏR -Ekskülziv,VİDEO
- “Onuncu Rusiya-Azərbaycan Regionlararası Forumu öz səmərəliliyini sübut edir”
- SON DƏQİQƏ: Ordumuz düşmənə ağır zərbə vurdu:3 ölü, 5 yaralı -ERMƏNİSTAN İNKAR EDİR
- Serj Sarkisyandan SENSASİON AÇIQLAMA:"Əgər eşitsəm ki, gələcək nəsillər Qarabağı Azərbaycana qaytarıb qəbirdən geri dönərəm"
- Paşinyan yenə HƏDƏLƏDİ: Azərbaycan sevinməsin, narahat olsun
- Məktəblilər hansı yaşdan mobil telefon gəzdirə bilər? – pediatrdan xəbərdarlıq
- Bir neçə bankda problemli krediti olanlara kompensasiya necə hesablanacaq? - Ekspert CAVAB VERDİ
Son xəbərlər
