Cocuq Mərcanlıda Azərbaycan ordusunun əsgərinin şəhid olması xəbətinə Müdafiə Nazirliyindən rəsmi açıqlama gəlib.

Yenicag.az xəbər verir ki, Müdafiə Nazirliyi Mətbuat Xidmətinin rəhbəri Vaqif Dərgahlı açıqlamasında əsgərin şəhid olmadığını bildirib. O qeyd edib ki, Hümbətov Aqilin həlak olması ilə bağlı Hərbi Prokurorluqda cinayət işi başlanıb, araşdırma aparılır.

Qeyd edək ki, bu barədə Bizimyol.info saytı daxil olan məlumata əsasən xəbər yayıb. Məlumatda bildirilib ki, 18 mart 2019-cu il tarixdə Şəki rayon Çay Qaraqoyunlu kəndindən hərbi xidmətə çağırılmış Hümbətov Aqil Vüqar oğlu cəbhənin Cocuq Mərcanlı kəndi istiqamətində səngərdə düşmən tərəfdən açılmış atəş nəticəsində şəhid olub.